मिती: बुधबार, ०९ सेप्टेम्बर २०१५
समय: अन्दाजी बिहानको ११ बजे तिर
स्थान: निजामती कर्मचारी अस्पतालको ल्याब टेस्टहरुको रिपोर्ट लिने झ्याल।
प्रसँग: म मेरी आमाको ल्याब रिपोर्टहरु लिनको लागी लामबद्ध थिए। लाईनमा मेरो अगाडी त्यस्तै अन्दाजी ६०-६५ बर्ष उमेरकी एक महिला हुनुहुन्थ्यो। रिपोर्टहरु दिनका लागि अन्दाजी २५-३० बर्षकी एक महिला ल्याब भित्रको झ्यालमा हुनुहुन्थ्यो। लाईनमा आवद्ध सेवाग्राहीबाट परिक्षणकालागी नमुना सँकलन गर्दा दिईएको बारकोड सहितको रसिद लिई सोही बारकोडका आधारमा रिपोर्ट प्रिन्ट गर्दै दिने क्रम जारी थियो।
अन्दाजी १.५ घण्टा लाईनमा बसिसके पछि म भन्दा अगाडी हुनुभएको महिलाको पालो अायो। बहाँले रिपोर्टका लागि पैसा तिरेको रसिद झ्यालमा दिनुभयो।
ल्याब कर्मचारी: यो रसिद होईन, बारकोड सहितको अर्को रसिद दिनुहोस्।
सेवाग्राही: त्यो भनेको कुन चाँही हो नानी ? (यति भन्दै वहाँले आफ्ना झोलामा भएका निजामती अस्पतालका सबै रसिदहरु निकाल्न थाल्नुभयो)
ल्याब कर्मचारी: मलाई थाहा छैन, उता सोधपुछमा गएर सोध्नुहोस्, यहाँ डिस्टर्ब नगर्नुहोस्। कस्ता कस्ता मान्छेहरु पनि आउछन् भने।
सेवाग्राही: त्यस्तो नभन न नानी। म पनि रिटायर्ड कर्मचारी नै हुँ। ठिकै छ, म यति लामो लाईन बसेर आईसके, यहाँ खोज्न थाल्दा अरुलाई पनि कुर्नुपर्ला फेरी, यो रसिदमा पनि मेरो विबरण छदैछ, यसैबाट पनि रिपोर्ट त निस्कन्छ होला नि त, निकालिदिनुहोस् न त।
ल्याब कर्मचारी: मिल्दैन, हुदैन। त्यो लिएर अाउनुहोस्, नत्र यहाँ डिस्टर्ब नगर्नुहोस्। खै उता हट्नुहोस् अरुलाई पालो दिनुहोस्।
सेवाग्राही: फेरी यत्रो लाईन बसेर अाउनु पर्दा त म आज डाक्टरसँगको समय गुज्रिसक्छ नि त। तपाईहरुको रसिद हराउदा कसरी दिनुहुन्छ त्यो प्रक्रिया पनि त होला, त्यसै अनुसार दिनु न त, यो रसिद छदैछ मैले पैसा तिरेको प्रमाण र तपाईको सिस्टममा भेटिएला नि त यो रसिद र मेरो यो कर्मचारी परिचयपत्रमा भएको विबरणको मान्छेले दिएको नमुनाको बारकोड कति हो भनेर। हेर्नुहोस्, फेरि १.५ घण्टा लाईन बस्नुपर्यो भने म यसै त बिरामी मान्छे झनै गार्हो हुन्छ नि न नानी।
ल्याब कर्मचारी: त्यो मेरो समस्या होईन। यहाँ डिस्टर्ब नगर्नुहोस्। खै उता हट्नुहोस् अरुलाई पालो दिनुहोस् नत्र म सेक्युरिटीलाई बोलाएर तपाईलाई निकाल्न लगाउछु।
सेवाग्राही: नानी, त्यसो नभन्नुहोस् न। म तपाईको आमाको उमेरकी मान्छेलाई दया गर्नुहोस्। मैले आज डाक्टर भेट्न पाईन भने मलाई सार्है नै गार्हो हुन्छ नानी। बिसन्चो भएर नै त अस्पताल आएकी हुँ, नत्र को अस्पताल धाउछ र बिनाकारण ?
ल्याब कर्मचारी: छिटो हट्नुहुन्छ कि सेक्युरिटीलाई बोलाँउ? भेटीएन भने फेरी पैसा तिर्नुहोस् अनि जाँच गर्नलाई फेरी नमुना दिनुहोस्। तपाई कागज नल्याउने अनि हामी किन खोजिरहने झन्झट बेहोर्ने ?
म ठिक्क पछाडि थिएँ। मैले, ति अामैलाई, खै त अामा झोला देखाउनुहोस्, त्यो बारकोड भएको रसिद त्यतै होला भनेर खोज्नमा सहयोग गर्दै थिए, ल्याब कर्मचारी कडकिईन्।
ल्याब कर्मचारी: अो दाई, तपाईको कागज दिनुहोस् छिटो।
म: यो पैसा तिरेको रसिदमा पनि बिरामी नम्बर (Patient ID) छ, तपाईंले दिने रिपोर्टमा पनि बिरामी नम्बर नै हुन्छ। त्यहि बिरामी नम्बरकै अाधारमा खोजेर वहाँको रिपोर्ट दिईदिनु न त। हेर्नुहोस, यत्रो लाईन फेरी बस्नु पर्यो भने त बहाँले अाज डाक्टर भेट्न सक्नुहुन्न।
ल्याब कर्मचारी: तपाईलाई पनि रिपोर्ट नचाहिने भए उता हट्नुहोस्। यहाँ हाम्रो काम हामीलाई नसिकाउनुहोस्। कस्ता कस्ता मान्छे आउछन् भने। (अलि पर उभिएको सेक्युरीटी गार्ड तिर हेर्दै) अो सेक्युरीटी, वहाँहरुलाई हटाईदेउ त।
ति बृद्ध अामै रुदै रुदै रित्तै हात त्यहाँबाट लागिन।
निजामती कर्मचारी अस्पतालमा निजामती कर्मचारीले नै अर्को निजामती कर्मचारी त्यो पनि बिरामी माथी गर्ने व्यबहार यस्तो छ।
लाईनमा पछाडी उभिएका एक बृद्ध भन्दै थिए, "यहाँ जहिले यस्तै हो, हामी कर्मचारीलाई नै त यस्तो व्यवहार गर्दछन् भने, सर्वसाधारणलाई कस्तो सेवा देलान्? भगवान् सँग मेरो यही प्रार्थना छ कि यी नानीले आफ्नो बुबा-अामालाई यहाँ जचाउन ल्याउदा वहाँहरुले यस्तै व्यवहार भोग्न नपरोस्। यी नानी भोली रिटायर्ड भएपछी बुढि भएर यहाँ आउदा यसै गरी रोएर फर्कन नपरोस्।"
